Қазақстан Республикасының Су ресурстары және ирригация министрлігі — су қорын пайдалану және қорғау, сумен жабдықтау, су бұру, сондай-ақ гидромелиорация және ирригация саласындағы мемлекеттік саясатты қалыптастыру және іске асыру бойынша басшылықты жүзеге асыратын Қазақстан Республикасының орталық атқарушы органы. Министрлік 2023 жылдың қыркүйек айында Мемлекет басшысының Жарлығымен құрылды. Негізгі міндеттеріне еліміздің су қауіпсіздігін қамтамасыз ету, су ресурстарын тиімді басқару, трансшекаралық суларды пайдалану мәселелерін реттеу, сондай-ақ ауыл шаруашылығын тұрақты сумен қамтамасыз ету үшін ирригациялық жүйелер мен гидротехникалық құрылыстарды жаңғырту және дамыту жатады.

Қазақстан Республикасының су қауіпсіздігін қамтамасыз ету, су ресурстарын сақтау және ұтымды пайдалану, сондай-ақ елдің тұрақты дамуы үшін ирригациялық инфрақұрылымды жаңғырту.