Ақтөбе облысының кәсіпкерлер палатасы 2024 жылдың 29-30 қазанында Тәлімгерлік мектебі аясында өндірістік тәжірибеден және кәсіптік тәжірибеден өтетін колледж студенттері үшін дуальды оқытудың жол картасы бойынша кәсіпорын қызметкерлері арасында «Жұмыс орнында оқыту педагогикасы. Маман-тәлімгерлерді сертификаттау»  тақырыбында тәлімгерлерге семинар өтілді.

        Аталмыш семинарды «Атамекен» ҚР ҰКП Адами капитал департаменті директорының орынбасары, астаналық аниматор тренер Лязат Шонаева жүргізді. Екі күн бойы тәлімгерлер дуальды оқытуды ұйымдастырудың құқықтық-нормативтік құжаттарымен танысып, оқыту үлгілерін зерттеп, тәлімгерлік жүйесін дамыту бойынша білім алып, күнделікті орын алатын ситуациялық жағдаяттардың рөлдік ойындар арқылы шешімін тапты.
      Курсқа №56 ЖББОМ директорының орынбасары, тәлімгер Сатыбалдина Н.Ж., №48 ЖББОМ директорының орынбасары, тәлімгер Жубатова Ж.Ж., «Көжек» балабақшасының меңгерушісі, тәлімгер Ажигалиева Ж.Ж., №25 «Ерке» бөбекжай-бақшасының әдіскері, тәлімгер Жантурсина Г.С., А.Байтұрсынов атындағы МГ директоры орынбасары, тәлімгер Жантөре М.Қ., №45 «Алтын бала» бөбекжай-бақшасының меңгерушісі Жусупова Ш.Т., №45 «Алтын бала» бөбекжай-бақшасының әдіскері, тәлімгер Басмагамбетова А.С., №19 ОМ әдіскері, тәлімгер Жолаушыбай Г.Н., №40 ЖББОМ  директорының орынбасары, тәлімгер Бекмухамбетова А.Х., №19 «Бұлақ» балабақшасының меңгерушісі  Ердаулетова Ә.Е.,  №30 қазақ ОМ бастауыш сынып мұғалімі Умирзакова Г.А., №34 «Таңшолпан» балабақшасының меңгерушісі, тәлімгер Карабалина А.Е., Ұ.Құлымбетов атындағы №64 ЖББОМ директорының м.а, тәлімгер Кенжалина Р.Ж. біліктіліктерін арттырды. Курстан өткен жалпы саны 13 тәлімгердің  сертификаты реестрге тіркелді. 
     Курсты ұйымдастырған Ақтөбе облысының кәсіпкерлер палатасының қызметкерлеріне, тренер Лязат Жаббаровна Шонаеваға алғысымызды білдіреміз!